Jetisý polıtseıleri marıhýana ósirgen eki azamatty ustady
TALDYQORǴAN. QazAqparat - Sońǵy bir táýlik ishinde Almaty oblysynda esirtki tektes ósimdikti baptaýdyń eki deregi anyqtaldy, dep habarlaıdy QazAqparat tilshisi.
Alǵashqy derek oblys ortalyǵyna jaqyn mańda ornalasqan Kóksý aýdanynda tirkeldi. Tártip saqshylary jedel aqparat negizinde jergilikti turǵynnyń úıinen jalpy salmaǵy 9 kg jýyq bolatyn 50 túp marıhýanany tárkiledi.
«Marıhýana kúdiktiniń baqshasynda ósirilgen. Sonymen qatar, polıtseıler onyń monshasynan paıdalanýǵa daıyn, keptirilgen marıhýana tapty. Osyǵan uqsas jaǵdaı Talǵar aýdanynda da tirkeldi. 40 jastaǵy qala turǵynynyń tyıym salynǵan ósimdikti baptap ósirgeni áshkere boldy. Eki derek boıynsha QR Qylmystyq kodeksiniń 300-babynyń 1-tarmaǵyna sáıkes sotqa deıingi tergeý amaldary bastaldy»,- dep habarlady Almaty oblysy PD baspasóz qyzmeti.
Jyl basynan beri oblys aýmaǵynda quramynda esirtki bar ósimdik ósirýdiń 8 deregi anyqtalǵan. Óz kezeginde, tártip saqshylary tyıym salynǵan ósimdikti ósirý, baptaý úshin qylmystyq jaýapkershilik qarastyrylǵanyn habarlaıdy.
