Jetisý óńirinde ІH Jazǵy Ýnıversıada ótedi
ASTANA. QazAqparat - Jetisý óńirinde ІH Jazǵy Ýnıversıada ótedi, dep habarlaıdy QazAqparat. Bul týraly óńirlik kommýnıkatsııalar qyzmeti alańynda belgili boldy.
Eki jylda 1 ret elimizdegi oqý oryndarynyń arasynda ótkiziletin bul jarys bıyl 37 sport túrin qamtyp otyr. Sonyń ishinde І.Jansúgirov atyndaǵy Jetisý memlekettik ýnıversıteti 8 túri boıynsha 178 stýdent qatysady.
«ІH Jazǵy Ýnıversıadaǵa bizdiń oqý ordamyz birinshi ret qatysaıyn dep otyr. Osy jarysqa qatysý úshin de biz barlyq standarttarǵa saı bolýymyz kerek boldy, ıaǵnı ol sportshylardyń qaýipsizdigi, sport alańdarynyń ýnıversıada sharttaryna saı bolýyna mán berdik. Jalpy bizdiń stýdentterimizdiń 58%-y sportpen júıeli túrde aınalysady. Solardyń ishinen eń myqtylary iriktelinip alyndy. Ýnıversıadaǵa 8 sport túri boıynsha qatysamyz. Olar: jaǵajaı voleıboly, sambo, erkin kúres, boks, sadaq atý, aýyr atletıka, dzıýdo», - dedi І.Jansúgirov atyndaǵy Jetisý memlekettik ýnıversıtetiniń Dene shynyqtyrý jáne óner fakýltetiniń dekany Ótegenov Erlan.
Aıta keteıik, ІH Jazǵy Ýnıversıadasynyń ashylý saltanaty 11 qazanynda Jastar sport saraıynda ótedi.
