Jetisý óńirinde gaz taratýshy kompanııa zań buzǵany anyqtaldy
Qazaqstan Respýblıkasy Básekelestikti qorǵaý jáne damytý agenttiginiń Jetisý oblys boıynsha departamenti Almaty oblysy prokýratýrasynyń usynysyn qaraý kezinde «QazTransGazAımaq» AQ Jetisý óndiristik fılıalynyń qyzmetinde básekelestikti qorǵaý salasyndaǵy buzýshylyqtardyń belgileri baıqaldy.
Máselen, fılıal taýarlyq gazdy bólshek saýdada ótkizý sharttaryn jasasý kezinde kommýnaldyq-turmystyq tutynýshylarǵa tek ónerkásiptik tutynýshylar úshin arnalǵan gazdy jetkizýdiń (tutynýdyń) ortasha táýliktik normasyna qatysty mindetterdi júktegen.
Sonymen qatar, fılıal tutynýshyǵa zańnamaǵa qaıshy keletin, gaz tutyný kólemin kúndelikti kommýnaldyq-turmystyq tutynýshyǵa berý mindetin júktegen.
Júrgizilgen taldaý nátıjeleri boıynsha Jetisý oblysynda Fılıal taýarlyq gazdy bólshek saýdada ótkizý qyzmetteri naryǵynda ústem jaǵdaıǵa ıe ekeni anyqtaldy.
Osylaısha, Fılıal taýarlyq gazdy bólshek saýdada satý qyzmetteri naryǵyndaǵy óziniń ústem jaǵdaıyn teris paıdalana otyryp, tutynýshylardyń zańdy quqyqtaryna nuqsan keltirgen.
Joǵaryda baıandalǵannyń negizinde departament Kodekstiń 199-babyna sáıkes Fılıaldyń atyna naryq sýbektisiniń áreketterinde (áreketsizdiginde) Qazaqstan Respýblıkasynyń básekelestikti qorǵaý salasyndaǵy zańnamasyn buzý belgileriniń bar ekendigi týraly habarlama shyǵardy.
