Jetisý óńirinde A gepatıtin juqtyrý deregi 7 esege artqan
Jetisý oblysynyń sanıtarlyq-epıdemıologııalyq departamenti basshysy Ashat Charapıevtyń sózinshe, bıyl ótken jylmen salystyrǵanda syrqattanýshylyq 7,44 esege joǵarylaǵan.
«Vırýstyq «A» jáne «E» gepatıtteri vırýspen lastanǵan qol, sý, taǵam ónimderi arqyly beriledi. Vırýstyq V, S jáne D gepatıtteri vırýstarynyń berilýi qan arqyly, sondaı-aq, vırýs juqtyrǵan anadan balaǵa bosaný kezinde ótedi. Vırýstyq V, S jáne D gepatıtteriniń vırýstaryn juqtyrýdyń eń úlken qaýpi esirtkini ınektsııalyq jolmen tutynýmen baılanysty», - dedi ol.
Oblystyń bas sanıtar dárigerniń aıtýynsha, vırýstyq gepatıttiń barlyq túrine tamaqqa tábettiń bolmaýy, bastyń aýyrýy, júrektiń aınýy, qusý, qaltyraý, ishtiń aýrýy, dene qyzýynyń kóterilýi, sarǵyshtaný, nájistiń tússizdenýi, zárdiń qońyrqaılanýy sııaqty negizgi belgiler tán.
«Gepatıtterdi dıagnostıkalaý úshin qazirgi ýaqytta zerthanalyq IFT jáne PTR tásilderimen anyqtaý mańyzdy. Búgingi tańda A jáne V gepatıtterine qarsy vaktsına bar, ulttyq egý kúntizbesine eńgizilgen. Qalǵan gepatıtterge arnalǵan vaktsına joq. A jáne E gepatıtiniń aldyn alý maqsatynda syrttan kelgende, tamaq isher aldynda qoldy sabyndap jýý, mindetti túrde qarapaıym jeke bas tazalyǵyn saqtaý, jemis-jıdekterdi, kókónisterdi taza sýmen muqııat jýý, úı-jaılarda tazalyqty qamtamasyz etý, belgisiz sý kózderinen sýdy tutynbaý qajet», - dedi Ashat Sákenuly.
