Jetisý oblysynyń joldaryna qaıtadan fotoradar qoıylatyn boldy
TALDYQORǴAN.QazAqparat - Jyl basynan beri Jetisý oblysynyń aýmaǵynda 443 jol apaty tirkelip, 116 adam qaza tapty, dep habarlaıdy QazAqparat tilshisi.
Taǵy 716 adam túrli dene jaraqattaryn aldy. Jol apatynyń negizgi sebepteriniń biri - júrgizýshilerdiń jyldamdyq rejımin asyrýy.
«Osyǵan baılanysty, oblys joldarynda jol-kólik oqıǵalarynyń aldyn alý, jol qozǵalysyna qatysýshylardyń ólimi men jaraqatyn azaıtý maqsatynda «KRIS-P» fotoradar jyljymaly keshenin paıdalana bastady.
Halyq arasynda «úsh aıaqty» degen laqap atqa ıe qurylǵy jol erejelerin buzǵandardy avtomatty baqylaý úshin qoldanylatyn bolady», dep málimdedi Jetisý oblystyq polıtsııa departamenti baspasóz qyzmetinen.
Aıta keteıik, atalǵan qurylǵy avtokólikterdi foto jáne beınetirkeý arqyly baqylaıdy.
