Jetisý oblysynyń máslıhat tóraǵasy laýazymyna Gúlnár Toılybaeva qaıta saılandy
Eńbek jolyn mektep muǵalimi qyzmetinen bastaǵan Gúlnár Qojaǵulqyzy ár jyldary Eskeldi aýdanynyń ishki saıasat bóliminiń bas mamany, «Nur Otan» partııasynyń oblystyq fılıalynda bólim meńgerýshisi, tóraǵanyń orynbasary, birinshi orynbasary qyzmetterin atqardy.
2022 jyldyń 8-maýsymyna deıin «Amanat» partııasy Almaty oblystyq fılıalynyń atqarýshy hatshysy qyzmetinde boldy.
2022 jyldyń 8-maýsymynan bastap jańadan qurylǵan Jetisý oblysynyń máslıhat hatshysy laýazymyna saılandy.
Búgin Jetisý oblystyq máslıhaty VIII shaqyrylymynyń birinshi sessııasynyń otyrysy ótti.
Oblystyq máslıhattyń birinshi sessııasynda el senimine ıe bolǵan, 75% jańarǵan depýtattarǵa Zań aıasynda oblystyq aýmaqtyq saılaý komıssııasynyń tóraǵasy T. Daýtov mandattaryn tabystady.
Jetisý oblystyq máslıhatynyń tóraǵasy laýazymyna barlyq depýtattardyń qoldaýymen Gúlnár Toılybaeva saılandy.
