Jetisý oblysyndaǵy Shoqan Ýálıhanov mýzeıine kúrdeli jóndeý júrgiziledi

TALDYQORǴAN. QazAqparat - Jetisý oblysyndaǵy Shoqan Ýálıhanovtyń memorıaldyq mýzeıine kúrdeli jóndeý júrgiziledi. Zertteýshi, ǵalym, etnograftyń kesenesi men eskertkishi jańartylatyn bolady, - dep habarlaıdy QazAqparat.

Shoqan Ýálıhanovtyń memorıaldyq mýzeıiniń irgetasy 1985 jyly qalanǵan. Qazir ǵımarattyń tóbesinen sý aǵyp, eksponattar qoıylǵan kórme pavılondary eskirgen. Sondaı-aq mýzeı janyndaǵy eskertkishtiń de tuǵyry tozyp, zertteýshiniń kesenesine aparar joldy jańartý kerek. Qazirgi tańda jergilikti bıýdjetten 278 mln teńge qarjy bólinip, joldyń qurylysy bastalyp ketti. Al mýzeıdiń ózine 317 mln teńge qarajat kerek. Rýhanı shańyraq memleket qorǵaýynda bolǵannan keıin bul qarjy respýblıkalyq bıýdjetten qarastyrylady.

Aıta ketý kerek mýzeıge sońǵy ret jóndeý jumystary 2012 jyly júrgizilgen.
«Mýzeıdiń syrtqy kelbetin saqtaı otyryp restovratsııalaý jumystary júrgiziledi. Іshki ekspozıtsııada kishkene bezendirý jumystaryna ózgerister engizilip, bezendirý jumystary da júrgiziledi. Jáne de bul mýzeıde saqtalǵan eksponattardan túpnusqa eksponattardyń birnesheýine restovratsııa júrgiziledi», - dedi Jetisý oblystyq mádenıet, arhıvter jáne qujatttama basqarmasynyń bólim basshysy Gúlmıra Qalqabaeva.