Jetisý oblysyndaǵy oqýshy qyzdyń ólimine qatysty ákimdik pikir bildirdi

TALDYQORǴAN.QazAqparat - Jetisý oblysynyń Panfılov aýdanynda zorlanyp, óltirilgen oqýshyǵa qatysty ákimdik pikir bildirdi, dep habarlaıdy QazAqparat tilshisi.

«Búgingi kúni qylmysqa qatysy bar, buryn sottalǵan 38 jastaǵy kúdikti ustalyp, qamaýǵa alyndy. Onyń ústinen kámelet jasyna tolmaǵan qyz balany zorlaý jáne óltirý deregi boıynsha qylmystyq is qozǵaldy.

Polıtsııa tarapynan tergeý amaldary júrip jatyr. Qylmysyn moıyndaǵan kúdiktige zań aıasynda qatań jaza qoldanylatyn bolady.

Jekelegen áleýmettik jelilerde qyz balany ulty basqa birneshe azamat zorlap óltirgen degen aqparat shyndyqqa janaspaıdy.

Bul jerde ultaralyq máseleniń de esh qatysy joq. Qazir Panfılov aýdanynda jaǵdaı turaqty. Oblys ákimshiliginiń, quqyq qorǵaý organdarynyń baqylaýynda», - dedi Jetisý oblysy ákiminiń baspasóz qyzmetiniń basshysy - baspasóz hatshysy mindetin atqarýshy Dýman Altynbekuly.

Esterińizge sala keteıik, Panfılov aýdanynyń Sholaqaı aýylynda 15 jastaǵy oqýshy qyzdy 38 jastaǵy er adam zorlap, óltirip, órtep jiberdi degen kúdikpen ustalǵanyn habarlaǵan bolatynbyz.