Jetisý oblysyndaǵy aýyldardy sý basqannan keıin 22 úı apatty dep tanyldy

TALDYQORǴAN. QazAqparat – Eskeli aýdany, Abaı jáne Eshkiólmes aýyldaryndaǵy barlyq úıdi tekserý aıaqtaldy. Nóser jaýyn saldarynan sý basyp, zaqym kelgen 89 úı anyqtaldy, dep habarlaıdy QazAqparat.

«Qazir 89 úıdiń 22-i apatty dep tanylyp, buzylatyny belgili boldy. Qalǵan 67 úıge jóndeý jumystary júrgiziledi», - dep habarlady Jetisý oblysy ákiminiń baspasóz qyzmeti.

Sonymen qatar eldi mekenderdegi aýla men kóshelerdi qoqystan tazartý jumysy aıaqtaldy. 200 turǵyn úıdiń aýlasy tolyqtaı tazartylyp, 200 tonnadan astam qoqys shyǵaryldy. TJ saldaryn joıýǵa 400 adam men 50-den astam tehnıka tartyldy.

Ákimdik qazirgi kezde mundaı tótenshe jaǵdaıdy alda boldyrmaý úshin kanal arnasyn keńeıtý, tazartý jumysy júrip jatqanyn aıtty. Sonymen qatar 7 kóshedegi 12,7 shaqyrym tasjol ortasha jóndeýden ótip, osy eldi mekenderdegi 4 kóshede uzyndyǵy 4 shaqyrym bolatyn jaryqtandyrý júıesi ornatylady.

Materıaldyq shyǵyndy esepteý aıaqtalǵan soń zardap shekken turǵyndardyń bárine qajetti materıaldyq kómek kórsetiledi.

12 tamyzda Jetisý oblysy Eskeldi aýdany Eshkiólmes aýylynda nóser jańbyr jaýyp, tórt kósheni sý basyp qalǵanyn eske sala keteıik. Nóser jaýynnan 99 aýla men 21 urǵyn úıdi sý basty.