Jetisý oblysynda zırattyń qorshaýlaryn urlaǵan kúdikti ustaldy

TALDYQORǴAN. QazAqparat - Jetisý oblysynda zırattyń qorshaýlaryn urlaǵan kúdikti ustaldy, - dep habarlaıdy QazAqparat tilshisi.

Jetisý oblystyq polıtsııa departamenti baspasóz qyzmetiniń málimetinshe, atalǵan fakt Sarqan aýdanynda tirkeldi. Onda 1 sáýirde Almaly aýylynyń turǵyny jergilikti zırattaǵy qabir qorshaýlarynyń qıraǵany jáne onyń urlanǵany týraly polıtseılerge aryzdanǵan.Jábirlenýshi keltirilgen zalaldy 100 000 teńgege baǵalady.

«Jedel-izdestirý is-sharalary barysynda kúdiktini anyqtap, ustadyq. Ol osy aýyldyń 22 jastaǵy turǵyny bolyp shyqty. Ol shoıynnan jasalǵan qabir qorshaýlaryn metall synyqtaryn qabyldaý pýnktine ótkizgeni anyqtaldy. Tergeý barysynda ustalǵan adamǵa qatysty «Eshqaıda ketpeý týraly qolhat» bultartpaý sharasy tańdaldy», – dedi Sarqan aýdanynyń polıtsııa bóliminiń bastyǵy Aıdar Amangeldınov.