Jetisý oblysynda jolǵa qoıylǵan kamera úsh aıda 345 mln teńgeniń aıyppulyn tirkedi

TALDYQORǴAN.QazAqparat - Jetisý oblysynda «Vidar» kamerasy úsh aıda 345 mln teńgeniń aıyppulyn tirkedi, - dep habarlaıdy QazAqparat tilshisi.

Taldyqorǵan qalasy mańyndaǵy jáne oblys ortalyǵyndaǵy 8 bekettegi 18 beınekamera jol erejesin buzǵan kólikterdi jappaı tirkep jatyr.

«Bıylǵy jyldyń 1 toqsanynda júrgizilgen taldaýǵa sáıkes «VIDAR» kameralary 14814 zańbuzýshylyqty tirkedi. Osy buzýshylyqtarǵa jol bergen avtokólik quraldarynyń júrgizýshilerine jalpy somasy 345 278010 teńgege aıyppul salynyp, 260 mln-nan astamy óndirildi»,- delingen Jetisý oblystyq polıtsııa departamenti baspasóz qyzmetiniń habarlamasynda.

Jetisý oblysynyń polıtsııasy júrgizýshilerge aqparatty nazarǵa alýǵa jáne QR Jol erejelerin qatań saqtaýǵa shaqyrady. Qosymsha beketter jaıaý júrginshiler ótkelderinde jáne joldardyń qaýipti ýchaskelerinde jumys istep tur.