Jetisý oblysynda jol apatynan eki adam mert boldy
Jetisý oblystyq Polıtsııa departamenti baspasóz qyzmetiniń málimetterine qaraǵanda, oqıǵa Almaty-Óskemen tasjolynyń 203 shaqyrymynda, Kóksý aýdanynda bolǵan.
«Volkswagen Passat» markili kóligin basqaryp kele jatqan 41 jastaǵy azamat uıyqtap ketip, jol boıyndaǵy qorshaýǵa soǵylǵan. Sonyń saldarynan júrgizýshi men onyń 39 jastaǵy jolaýshysy oqıǵa ornynda mert boldy. Taǵy úsh jolaýshy jaqyn mańdaǵy aýrýhanaǵa jetkizilip, medıtsınalyq tekserýden keıin ambýlatorııalyq emdelýge jiberildi.
«Jol-kólik oqıǵasy, boljam boıynsha, júrgizýshiniń sharshap, kólik tizginende qalǵyp ketýine baılanysty bolǵan. Qurmetti júrgizýshiler, jol erejesin saqtańyzdar, jyldamdyqty shekten asyrmańyzdar. Eger Siz uzaq saparǵa shyqsańyz, sapar aldynda jaqsylap demalyńyz. Kólikti júrgizý kezinde basqa jol qozǵalysyna qatysýshylardyń ómiri men densaýlyǵy Sizdiń qolyńyzda ekenin umytpańyz», - delingen Jetisý oblystyq polıtsııa departamenti baspasóz qyzmetiniń habarlamasynda.
