Jetisý oblysynda jol apatynan eki adam kóz jumdy: Rýlde jas bala bolǵan

TALDYQORǴAN. QazAqparat - Jetisý oblysynda jol apatynan eki adam qaza taýyp, beseýi zardap shekti, dep habarlaıdy QazAqparat polıtsııaǵa silteme jasap.

Saryózek-Jarkent tasjolynyń 323-shaqyrymynda Mercedes Benz jáne Mazda Cronos avtokólikteri bir-birine soǵyldy.

Aldyn ala boljam boıynsha, kólikterdiń birin kámeletke tolmaǵan jigit tizgindegen.

Avtokólikter soqtyǵysqan kezde eki adam qaıtys boldy. Sondaı-aq beseýi oqıǵa ornynan jergilikti aýrýhanaǵa jetkizildi.

Polıtsııa kólik júrgizýshilerinen jol erejelerin qatań saqtaýdy talap etedi.