Jetisý oblysynda jol apatynan 3 jolaýshy kóz jumdy

TALDYQORǴAN. QazAqparat - Jetisý oblysynda 3 adam jol apatynan kóz jumdy, dep habarlaıdy QazAqparat tilshisi.

Jol-kólik oqıǵasy «Úsharal-Dostyq» avtojolynyń 55-shaqyrymynda boldy.

Kia Soul men Toyota Camry kólikteri soqtyǵysty.

Aldyn ala boljam boıynsha 46 jastaǵy áıel Kia Soul avtokóligin basqara almaı, qarsy qozǵalys jolaǵyna shyǵyp, Toyota Camry kóligine soǵylǵan.

«Apat saldarynan oqıǵa ornynda Toyota Camry avtokóliginiń úsh jolaýshysy kóz jumdy. Eki kóliktiń júrgizýshileri de, sondaı-aq úsh bala túrli dene jaraqatymen aýrýhanaǵa jatqyzyldy»,- delingen Jetisý oblystyq polıtsııa departamenti baspasóz qyzmetiniń habarlamasynda.

Polıtsııa avtokólik júrgizýshilerin QR Jol erejelerin múltiksiz saqtaýǵa jáne avtojolda qyraǵylyq tanytyp, saq bolýǵa shaqyrady.