10:48, 06 Maýsym 2023 | GMT +6
Jetisý oblysynda joǵalyp ketken 15 jasar qyz tabylmaı jatyr
TALDYQOROǴAN. QazAqparat - Jetisý oblysynyń polıtsııa qyzmetkerleri Panfılov aýdany Áýlıeaǵash aýylynan habar-osharsyz ketken 15 jasar Erbosyn Aızere Qanatbaıqyzyn izdestirip jatyr, dep habarlaıdy QazAqparat.
ІІM málimetinshe, 4 maýsymda kámeletke tolmaǵan qyz bala úıden belgisiz baǵytta ketip, áli oralmaǵan. Mektep oqýshysy qara jempir, qara djınsy jáne aq krossovka kıgen.
Jasóspirimniń belgileri: ortasha deneli, kóziniń túsi qońyr, shashy qara, uzyn, ıyqtan tómen.
«Kámeletke tolmaǵan qyz balanyń júrgen jeri, qaıda ekendigi nemese qyzǵa qatysty basqa da málimetter týraly biletinderdiń barlyǵyn oblys polıtsııasyna +7 705 519 1021, 707 786 4630, 771 492 1007 nemese 102 telefondary arqyly habarlaýlaryńyzdy suraımyz», - dep jazdy vedomstvodan.
