Jetisý oblysynda joǵalǵan keıýanany 100-ge jýyq erikti izdestirip jatyr

TALDYQORǴAN. QazAqparat - Jetisý oblysynda joǵalyp ketken keıýanany izdeý jumystary júrip jatyr, dep habarlaıdy QazAqparat tilshisi.

Panfılov aýdanynda polıtseıler, shekarashylar, eriktiler jáne jergilikti turǵyndar habar-osharsyz ketken 72 jastaǵy Orynbúbi Muhanovany izdeýdi ekinshi kún jalǵastyryp jatyr.

Egde jastaǵy áıel eresek ulymen birge Lesnovka aýylynda turady.

13 mamyrda ol úıden belgisiz baǵytqa shyǵyp ketip, joǵalyp ketken.

Zeınetkerdiń týystary aýdandyq polıtsııaǵa aryz jazǵannan keıin izdeý jumystary uıymdastyryldy.

«Qazir habar-osharsyz joǵalyp ketken O.Muhanovany jappaı izdestirý sharalary bastaldy. Oǵan 100-ge jýyq adam jumyldyrylǵan. Olardyń arasynda shekara qyzmetiniń áskerı qyzmetshileri, polıtsııa qyzmetkerleri, eriktiler jáne jergilikti turǵyndar bar. Іrgeles taýly jerler, ıesiz qalǵan ǵımarattar men jaqyn ornalasqan eldi mekender qarap shyqtyq. Іzdeý aımaǵy birtindep keńeıip keledi. Sondaı-aq, áıelge qatysty aqparat óńirdiń barlyq polıtsııa bólimshelerine joldandy», - dedi Panfılov aýdanynyń polıtsııa bólimi bastyǵynyń orynbasary Erlan Ersaıynov.

1950 jyly týǵan áıeldiń ústinde qara tústi kúrteshe, qońyr kóılek, jeńil aıaq kıim bolǵan. Boıy 155-160 sm, denesi aryqsha.

Qandaı da bir aqparat bolǵan jaǵdaıda myna telefondarǵa habarlasýǵa bolady: 8 72 831 51 202, 8 778 744 00 30 nemese «102».