Jetisý oblysynda jergilikti halyqtyń ormanǵa barýyna tyıym salynady

TALDYQORǴAN. QazAqparat – Jetisý oblysynda jergilikti turǵyndardyń ormanǵa barýyna 1 qarashaǵa deıin tyıym salynýy múmkin. Bul týraly óńir ákimi Beıbit Isabaevtyń tıisti qaýlysy ashyq talqyǵa shyǵaryldy, dep habarlaıdy QazAqparat tilshisi.

«Jetisý oblysynyń memlekettik orman qory aýmaǵynda órt qaýipi joǵarǵy kezeńde (jyl saıyn 1 sáýir men 1 qarashaǵa deıin) ormandarda jeke tulǵalardyń bolýyna tyıym salynsyn jáne ormandy paıdalaný quqyǵy shektelsin. Qaýlynyń oryndalýyn baqylaý «Jetisý oblysynyń tabıǵı resýrstar jáne tabıǵatty paıdalanýdy retteý basqarmasy» memlekettik mekemesine júktelsin», - delingen qujatta.

Qaýly 22 qyrkúıekke deıin ashyq talqylaýǵa shyǵarylǵan.

Buryn habarlaǵanymyzdaı, bıyl mundaı shekteý sharalary Abaı jáne Túrkistan oblystarynda engizilgen bolatyn.