Jetisý oblysynda «Jaıly mektep» ulttyq jobasy aıasynda 10 mektep salynady

TALDYQORǴAN. QazAqparat – Jetisý oblysynda «Jaıly mektep» ulttyq jobasy aıasynda 8 700 orynǵa arnalǵan zamanaýı talaptarǵa saı 10 mektep salynady, dep habarlaıdy QazAqparat tilshisi.

Joba 2023-2025 jyldar aralyǵynda júzege asady. Oblystyq bilim basqarmasynyń málimetinshe, mektepter kelesi eldi mekenderde salynady dep josparlanyp otyr:

1) Alakól aýdany Úsharal qalasynda 600 oryndyq mektep;

2) Alakól aýdany Dostyq stantsııasynda 600 oryndyq mektep;

3) Qaratal aýdany Úshtóbe qalasynda 600 oryndyq mektep;

4) Kerbulaq aýdany Saryózek aýylynda 300 oryndyq mektep;

5) Kóksý aýdany Balpyq bı aýylynda 600 oryndyq mektep;

6) Panfılov aýdany Jarkent qalasynda 1200 oryndyq mektep;

7) Taldyqorǵan qalasy «Kóktal» shaǵyn aýdanynda 1200 oryndyq mektep;

8) Taldyqorǵan qalasy «Shyǵys» shaǵyn aýdanynda 1200 oryndyq mektep;

9) Taldyqorǵan qalasy Batys turǵyn úı aýdanynda 1500 oryndyq mektep;

10) Taldyqorǵan qalasy «Jastar-2» shaǵyn aýdanynda 900 oryndyq mektep. Nátıjesinde óńirdegi apatty mektepter sany azaıyp, oqýshylardyń tereńdetilgen túrde bilim alýyna mol múmkindik jasalmaq.