Jetisý oblysynda úshinshi qant zaýytyn qaıta iske qosý úshin ınvestor izdep jatyr

TALDYQORǴAN. QazAqparat - Jetisý oblysynyń Alakól aýdanynda úshinshi qant zaýytyn qaıta iske qosý úshin ınvestorlar qarastyrylýda, dep habarlaıdy QazAqparat tilshisi.

Úsh halyqaralyq iri qarjy ınstıtýttarynyń ókilderimen kezdesý barysynda Jetisý oblysynyń ákimi Beıbit Isabaev ınvestorlar úshin Jetisý óńirinde qolǵa alýǵa bolatyn jobalardy atap, osy baǵytta áriptestik ornatýdy usyndy.

«Bizde tutynýshylardy qajetti mólsherde qantpen qamtamasyz etýde qıyndyq týyndap jatyr. El boıynsha 4 qant zaýyty jumys istep tursa, sonyń ekeýi - bizdiń óńirimizde. Eki zaýytymyz da jańǵyrtýdan ótken. Qazirgi ýaqytta Kóksý qant zaýyty jyl boıy jumys istep tur, qant qyzylshasy men qant qamysyn qaıta óńdeıdi. Al, Aqsý qant zaýytynda jóndeý jumystary júrgizilip jatyr», - dedi Beıbit Isabaev.

Onyń aıtýynsha, qamys qantyn qaıta óńdeýge arnalǵan qurylǵylardy ornatýǵa daıyndyq jumystary qolǵa alynǵan.

Eger Alakól aýdanyndaǵy zaýyt iske qosylsa, 100 myń tonnaǵa deıin shıkizatty óńdeı alady.