Jetisý oblysynda toǵyz soǵys ardagerine 1,5 mln teńgeden beriledi

TALDYQORǴAN. QazAqparat - Bıyl Jetisý oblysynda Jeńistiń 78 jyldyǵyn merekeleý qarsańynda 2309 azamat jalpy somasy 156,7 mln teńge kóleminde birjolǵy materıaldyq kómek alady. Onyń ishinde Memleket basshysynyń tapsyrmasyn oryndaý aıasynda oblysymyzda turatyn UOS ardagerleri men qatysýshylaryna 1,5 mln teńgeden tólenedi, dep habarlaıdy QazAqparat.

Oblystyq jumyspen qamtýdy úılestirý jáne áleýmettik baǵdarlamalar basqarmasynyń málimetinshe, búginde óńirinde Uly Otan soǵysynyń 8 ardageri turady.

Onyń barlyǵy 9 mamyrǵa deıin árqaısysy 1,5 mln teńgeden alady.

Sondaı-aq jyl basynan beri ardagerlerge kommýnaldyq qyzmetter úshin tólem retinde 250 myń teńge tólendi.

Osy maqsatqa qarajat jyl sońyna deıin de qarastyrylǵan. Tólemder aı saıyn 3 aılyq eseptik kórsetkish mólsherinde júrgiziledi.

Sondaı-aq KSRO-ny qorǵaýdyń basqa kezeńderinde maıdan shebinde áskerı qyzmettiń ózge de mindetterin atqarý kezinde jaralanǵan, kontýzııa alǵan, mertigip qalǵan, múgedek dep tanylǵan 90 áskerı qyzmetshige birjolǵy materıaldyq kómek retinde 100 myń teńgeden jalpy somasy 9 mln teńge tólenedi.