Jetisý oblysynda tóbelesken oqýshylardyń ústinen qylmystyq qozǵaldy
Jetisý oblystyq polıtsııa departamenti baspasóz qyzmetiniń málimetinshe,
jasóspirimder arasyndaǵy oqıǵa 15 sáýirde Taldyqorǵan qalasyndaǵy ortalyq saıabaq aýmaǵynda bolǵan. Oǵan qatysqandardyń barlyǵy anyqtalyp, zańdy ókilderimen birge qalalyq polıtsııaǵa jetkizildi. Jasóspirimder jergilikti oqý oryndarynyń 2006-2007 jyly týylǵan oqýshylary bolyp shyqty.
«Atalǵan fakti boıynsha QR QK-niń 293-babynyń 2-bóliminde (Buzaqylyq) kózdelgen sotqa deıingi tergeý amaldary bastaldy. Qylmystyq isti tergeý oblystyq polıtsııa departamentiniń erekshe baqylaýyna alyndy»,- delingen atalǵan vedomstvonyń habarlamasynda.
Aıta keteıik, áleýmettik jelige jas balalardyń tóbelesi bar vıdeo jarııalandy. Beınejazbada ul balany qasynda turǵan jigit ura jóneledi. Artynsha, jalǵyz jasóspirimge ózge qatarlastary jabylyp, ura bastaıdy. Tóbelestiń shyǵýyna ne sebep bolǵany belgisiz. Mán-jaıy tergeý barynysynda anyqtalady.
