Jetisý oblysynda tapansha men oq ótpeıtin arnaıy qorǵanys quraldary tabyldy
9 qarashada Tekeli qalasynda Jetisý oblysy PD Ekstremızmge qarsy kúres basqarmasynyń qyzmetkerleri UQKD-men birlesip «Makarov» jaýyngerlik tapanshasyn, oq ótpeıtin jılet jáne arnaıy qorǵanys quraldaryn tapty.
Tárkilengen qarý ballıstıkalyq-sot saraptamasyna jiberildi. Derek boıynsha QR QK 287-babynyń 3-bóliminde kózdelgen sotqa deıingi tergeý amaldary bastaldy.
«Qańtar aıyndaǵy tártipsizdikterge qatysy bar keıbir adamdar jaýapkershilikten qutylýǵa tyrysyp, olarǵa zańsyz túsken qarý-jaraq pen oq-dárilerdi laqtyryp tastaıtynyn atap ótkimiz keledi. Osyǵan baılanysty tártip saqshylary zańsyz saqtaýda jatqan qarý-jaraq pen oq-dárileri bar barlyq azamattardan olardy jergilikti quqyq qorǵaý organdaryna tapsyrýdy suraıdy. Sonymen qatar, barlyq azamattarǵa QR QK 287-babyna sáıkes atys qarýy men oq-dárilerdi óz erkimen tapsyrǵan adamdar, eger onyń áreketterinde ózge qylmys quramy bolmasa, qylmystyq jaýapkershilikten bosatylatynyn eske salamyz. Bul rette adamdy ustaý kezinde, sondaı-aq olardy izdeý jáne tergeý áreketterin júrgizý barysynda qarý tabylǵan jaǵdaıda, bul áreket qarýdy erikti túrde tapsyrý dep tanylmaıtynyń eskertemiz»,- delingen Jetisý oblystyq polıtsııa departamenti baspasóz qyzmetiniń habarlamasynda.
Vedomstvonyń aqparatyna sáıkes, jyl basynan beri óńirde zańsyz aınalymnan 228 atys qarýy, onyń ishinde 157 tapansha tárkilendi.
