Jetisý oblysynda saýyqtyrý sharasy barysynda zańsyz balyq aýlaǵan 68 adam ustaldy
Oblys aýmaǵynda 3 sáýir men 1 maýsym aralyǵynda ótken «Nerest» profılaktıkalyq is-sharasynyń barysynda polıtseıler balyq ınspektorlarymen birlesip, tabıǵatty qorǵaý zańnamasyn buzǵan 68 adamdy ustady.
Sońǵy derek Sarqan aýdanynda tirkelip, kórshiles Almaty oblysynyń 1983-87 jyly týǵan eki turǵyny Balqash kólinde ustaldy. Tártip saqshylary ustalǵandardan 272 keli zańsyz aýlanǵan balyq, eki qaıyq, balyq aýlaýǵa arnalǵan túrli qarmaqtar men tyıym salynǵan daratalshyq torlaryn tárkiledi.
«Іs-shara barysynda 68 quqyq buzýshy ustaldy. 5 derek boıynsha qylmystyq is qozǵaldy. Ustalǵandardan shamamen uzyndyǵy 3 km ártúrli brakonerlik torlar, 5 qaıyq jáne 800 kg-nan astam zańsyz aýlanǵan balyq tárkilendi. Jalpy keltirgen shyǵyn shamamen 6 mln. teńgeni quraıdy», - dedi Jetisý oblysy PD tabıǵatty qorǵaý polıtsııasynyń aǵa ınspektory Baǵlan Rymjanov.
Vedomstvoda brakonerlerden tárkilengen balyq satý úshin qabyldaý pýnktine ótkizilip, odan ári jınalǵan qarajat memleket kirisine tapsyrylatynyn atap ótti.
