Jetisý oblysynda respýblıkalyq mańyzy bar jol jabyldy

TALDYQORǴAN. QazAqparat - Jetisý oblysynda «Saryózek – Kóktal» tasjolynda kólik júrýine tyıym salyndy, dep habarlaıdy QazAqparat tilshisi.

«Saryózek – Kóktal» respýblıkalyq mańyzy bar avtojolynyń 57 shaqyrymynda jarylys jumystarynyń júrgizilýine baılanysty qozǵalys toqtatyldy. ıAǵnı, 29 qyrkúıek kúni saǵat 09:00-den bastap atalǵan avtojol ýchaskesiniń 45-68 shaqyrym aralyǵynda avtotransporttyń barlyq túrlerine qozǵalys jabyldy»,- delingen Jetisý oblystyq tótenshe jaǵdaılar departamentiniń baspasóz qyzmeti taratqan habarlamada.

Atalǵan vedomstvonyń ókilderi azamattardan osy baǵytta jol júrmeýin, sondaı-aq 112 qyzmeti beretin SMS habarlamalardy nazardan tys qaldyrmaýyn suraıdy.

Daýyl týraly eskertýler men ózge de shuǵyl aqparat alý úshin «Dármen» tegin mobıldi qosymshasyn paıdalanýǵa bolady.