Jetisý oblysynda respýblıkalyq mańyzy bar birneshe jol jabyldy
«26 qarashada saǵat 14:30-dan bastap aýa raıynyń nasharlaýyna baılanysty (boran, shekteýli kóriný) «Úsharal-Dostyq» respýblıkalyq mańyzy bar avtojolynda (9-184 shaqyrymdary, Kóktuma-Dostyq), respýblıkalyq mańyzy bar «Almaty-Óskemen» avtojolynda («Kólbaı aýyly-Abaı oblysynyń shekarasy», 485-615 km), respýblıkalyq mańyzy bar «Saryózek-Kóktal» avtojolynda (45-68 km, Altyn Emel asýy) kóliktiń barlyq túrleri úshin qozǵalys jabyldy», - delingen oblystyq tótenshe jaǵdaılar departamentiniń baspasóz qyzmeti habarlamasynda.
Jetisý oblystyq TJD azamattardan osy baǵyttaǵy saparlardan bas tartýdy jáne 112 qyzmeti beretin SMS habarlamalardy nazardan tys qaldyrmaýdy suraıdy. Alys jolǵa shyqqan kezde aýa raıy boljamymen tanysyp, tótenshe jaǵdaılarda qajet bolýy múmkin barlyq zattardy birge alyp júrý kerektigin eske salady.
