Jetisý oblysynda poshtadan 22 mln teńge jymqyrǵandarǵa halyqaralyq izdeý jarııalandy
«Gúlbaný Nurǵyzyrqyzy Bazılbaeva 1979 jyly týǵan. Almaty oblysynyń týmasy. Gúlbaný Bazılbaeva alaıaqtyq jasady degen kúdikke ilinip otyr. Ol Taldyqorǵannyń poshta qyzmetinde kassır bolyp jumys istegen. Ózine senip tapsyrylǵan bóten múlikti ıemdenip, talan-tarajǵa salý deregi boıynsha kúdikke ilingen. Oǵan 22 mln teńge kólemindegi bıýdjet qarajatyn jymqyrdy degen aıyp taǵylǵan. Dál osy is boıynsha onyń sybaılasy, polıtsııa qyzmetkeri bolǵan Qanat Isabaevqa da halyqaralyq izdeý jarııalandy. Ol 1962 jylǵy. Bul adamdar ustalǵan jaǵdaıda birden qamaýǵa alynady», - deıdi Jetisý oblysy ekonomıkalyq tergep-tekserý departamentiniń asa mańyzdy ister jónindegi jedel ýákili Erbol Qurmanbaev.
Sýrettegi kúdiktilerge qatysty qandaı da bir aqpar biletin jandar osy telefon nomerlerine habarlasa alady: 8 7282 24 11 25; 8 701 741 62 26
