Jetisý oblysynda órt qaýpi joǵary kezeń bastalǵaly 70 dala órti tirkeldi
Al Taldyqorǵan qalasynyń aýmaǵynda úsh aı ishinde jalpy aýdany 19 ga qurǵaq shóptiń janýy oryn aldy. Bul týraly oblystyq Tótenshe jaǵdaılar basqarmasynyń aǵa ınjeneri Abzal Nurtalıev BAQ ókilderimen bolǵan baspasóz máslıhatynda málim etti.
«Orman jáne dala órtteriniń aldyn alý maqsatynda qala ákimi aýmaqtaǵy tabıǵı órtterdi sóndirý boıynsha ózara is-qımyl josparyn ázirlep bekitti. Oǵan sáıkes, dala órtterin joıý úshin quramynda 67 adamnan turatyn erikti órt sóndirý jasaqtary quryldy. Sondaı-aq, 18 birlik tehnıka bekitildi», - dedi Abzal Nartaıuly.
Spıker osyǵan baılanysty azamattarǵa tótenshe órt qaýpi saqtalǵan aımaqtarda ashyq otty paıdalanýda saq bolýdy, úıler men meken-jaılardyń janynda ot jaqpaý, qurǵaq shóp pen qamysty órteýge jol bermeýdi suraıdy.
