Jetisý oblysynda memleketke 67 myń gektar jer qaıtaryldy

TALDYQORǴAN. QazAqparat - Jetisý oblysynda memleketke 67 myń gektar jer qaıtaryldy, dep habarlaıdy QazAqparat tilshisi.

«Prokýratýra taldaýlarymen 850 myń gektar paıdalanylmaǵan jaıylymdyq jáne egistik jer anyqtaldy. Prokýrorlyq qadaǵalaý aktileri nátıjesinde memleketke 67 myń gektar jer qaıtaryldy»,- dedi Jetisý oblysynyń prokýrory Madııar Basshybaev.

Qazir qalǵandary boıynsha jumys jalǵasýda.

Madııar Basshybaevtyń sózinshe, osy salada oryn alǵan buzýshylyqtar boıynsha 10 laýazymdy tulǵa memlekettik qyzmetke kir keltirgen teris qylyǵy úshin jaýapqa tartyldy.

Onyń úsheýi – aýdan ákiminiń orynbasary, ekeýi – aýyl ákimderi, qalǵany – aýdan deńgeıindegi bólim basshylary.