Jetisý oblysynda mal qalyń qardyń astynda qaldy degen aqparat jalǵan - ákimdik
Telegram kanaldardyń birinde Jetisý oblysynda iri qara men usaq maldyń qalyń qar astynda qalǵany jáne joldyń qardan ýaqytyly tazalanbaǵany týraly aqparat jarııalanǵan.
Osyǵan baılanysty óńirlik ákimdik túsinik berdi.
«Bul jarııalanym - montajdalǵan beınejazba. Onyń Jetisý oblysyna esh qatysy joq. Kerbulaq aýdanyna qarasty eki aýyldyq okrýgte Araltóbe dep atalatyn 2 eldi meken bar. Bul vıdeo Araltóbe dep atalatyn qos aýylda da túsirilmegen. Vıdeonyń alǵashqy bóligi (qarǵa kómilip qalǵan túıe men qoıdyń jáne aıazda qalǵan malshynyń vıdeosy) Qytaıdyń Shyńjań aımaǵynda bolǵan degen aqparat birer kún buryn ǵalamtorda tarady. ıAǵnı, bunyń da Jetisý oblysyna esh qatysy joq. Al beınejazba sońynda avtor «Zaısan, Marqakól» dep atap ótken jol bóligi de Jetisý oblysyna qaramaıtyndyǵy belgili. Araltóbe aýyldarynda turǵyndardyń úı janýarlary qorasynda, qaýipsiz jerde tur»,- delingen Jetisý oblysy ákiminiń baspasóz qyzmeti taratqan habarlamada.
Vedomstvonyń aqparatyna sáıkes, bul jóninde turǵyndar tarapynan qandaı da bir shaǵym túspegen.
Sol sebepti ákimdik halyqtan jalǵan aqparatqa senbeýdi, taratpaýdy jáne aqparattyń shynaılyǵyna kóz jetkizýdi suraıdy.
