Jetisý oblysynda kúdikti Qyzyl kitapqa engen gúl tamyrlarymen ustaldy

NUR-SULTAN. QazAqparat – Jetisý oblysyndaǵy Sarqan shatqaly aýmaǵynda shekarashylar kúdikti kólikti toqtatyp, odan joıylyp ketý qaýpi bar ósimdik túriniń ondaǵan tamyryn tapty, dep habarlaıdy QazAqparat QR UQK baspasóz qyzmetine silteme jasap.

«13 maýsymda memlekettik shekarany kúzetý qyzmeti barysynda Jetisý oblysy Sarqan aýdanynyń «Sarqan» shatqaly aýdanynda Qazaqstan Respýblıkasy azamatynyń basqarýyndaǵy «Aýdı» avtomashınasy toqtatyldy. Kólikti tekserý kezinde 33 dana Qyzyl kitapqa engen bozǵylt gúldi rıabchık ósimdiginiń tamyry tabyldy», - delingen baspasóz málimdemesinde.

Qazirgi ýaqytta sotqa deıingi tergeý amaldary júrgizilip jatyr.

Aıta ketsek, bul gúl QR Úkimetiniń 2006 jylǵy 31 qazandaǵy № 1034 qaýlysymen ósimdikterdiń joıylyp ketý qaýpi bar túrine jatqyzylǵan.

Eske salsaq, QR Ekologııa, geologııa jáne tabıǵı resýrstar mınıstri Serikqalı Brekeshev Qazaqstanda dárilik shópter retsiz jınalyp, shetel asyp jatqanyn aıtqan bolatyn.

Sondaı-aq, Túrkistanda dárilik shóp qazyp júrgen 23 ózbek azamaty ustalǵan edi.