Jetisý oblysynda qýaty 50MVt bolatyn jel elektr stantsııasy iske qosyldy
TALDYQORǴAN. QazAqparat - Jetisý oblysynyń Sarqan aýdanynda qýattylyǵy 50MVt bolatyn jel elektr stantsııasy iske qosyldy, - dep habarlaıdy QazAqparat tilshisi.
Jetisýdyń Sarqan aýdanynda salynǵan jel elektr stantsııasy — negizinen jeke qarajat esebinen júzege asqan óńirdegi eń iri joba. Jalpy qondyrǵylardy ornatý, qurylys jumystaryn jasaýǵa 19,4 mlrd.teńge qarajat jumsalǵan.
Kezeń-kezeńimen josparlanǵan elektr stantsııa qurylysy 2019 jyly bastalyp, jeldi aımaqqa eń aldymen 6 qondyrǵy ornatylyp, 2022 jyldyń qarasha aıynda tolyǵymen aıaqtalyp, óz jumysyn bastady.
Bıiktigi 100 metr, aınalǵysh qanattary 70 metr bolatyn munaranyń sany 16. Olardyń bireýiniń ózi 3,2 MVt óńdeýge qaýqarly.
«Mundaı elektr qýatyn óńdeıtin stansa Qapshaǵaı qalasynda bar bolsa, endi aýdanymyzdyń Lepsi aımaǵynda bar. Biraq qýattylyǵy jaǵynan basym túspek. ıAǵnı jylyna 50 MVt toq kózin óńdemek», - dedi Sarqan aýdanynyń ákimi Ǵalymjan Qanatuly.
Lepsi aýylynan 80 km qashyqtyqta ornalasqan stantsııa keń jazyqta ornalasqan jeldi aımaq. Jeldiń ótinde ornalasqan jazyq meken bolǵandyqtan, mundaı jaryq qýatyn óńdeıtin munaralar jyl boıy jaryq qýatyn óńdeı almaq.
Osyndaı iri ári tıimdi jobalardyń arqasynda aýdanǵa ınvestıtsııa tartylyp, jańa jumys oryndary ashylyp óńirimizdiń odan ári damýyna óz septigin tıgizedi degen sóz.
Sonymen qatar, Sarqan aýdny elektr qýatyn óndirýde basqa aýdandardan qaraǵanda basym túsip kele jatqandyǵy barshaǵa aıan. Óńirde 5 sý elektr stantsııasyn salý josparlanǵan bolsa, qazirgi tańda onyń úsheýi úzdksiz jumys jasap tur. Qalǵan eki elektr stantsııalarynyń qurylys jumystary jalǵasyp jatyr.
Aıta ketý kerek, ótken jyldyń qarasha aıynan beri jel elektr stantsııalary 23,767 myń bolatyn KVt saǵat óńdegen.
