Jetisý oblysynda qonaq úı ornyna balabaqsha calynady

TALDYQORǴAN. QazAqparat – Kerbulaq aýdanyndaǵy Sh.Ýálıhanov atyndaǵy «Altynemel» memorıaldyq murajaıy janyndaǵy qonaq úı ǵımaraty turǵyndardyń suranysyna sáıkes balabaqsha retinde paıdalanýǵa berilmek. Bul týraly Kerbulaq aýdanynyń turǵyndarymen kezdesýi kezinde Jetisý oblysynyń ákimi Beıbit Isabaev aıtty, dep habarlaıdy QazAqparat Jetisý oblysy ákiminiń baspasóz qyzmetine silteme jasap.

Sh.Ýálıhanov atyndaǵy «Altynemel» memorıaldyq murajaıy Prezıdenttiń tapsyrmasyna sáıkes kúrdeli jóndeýden ótkizilip jatyr. Qaıta jańǵyrtý jumystary qyrkúıek aıynda aıaqtalýy tıis.

«Mýzeıdiń jóndeý jumystary qyrkúıekte aıaqtalady. Nysannyń jylý júıesi de qaıta jasalyp jatyr. Aýyl turǵyndary mýzeı janyndaǵy qonaq úıdi balabaqsha retinde paıdalanýdy surap otyr. Biz bul usynysty qoldadyq. Týrıster legi kóbeıip, qajettilik týyndap jatsa, mýzeıge kerekti qonaq úı máselesin qaıta qarastyratyn bolamyz», - dedi B.Isabaev.