Jetisý oblysynda kóliktiń jańa nómirin alǵashqy bolyp 35 jastaǵy turǵyn aldy
TALDYQORǴAN. QazAqparat - Qaıta qurylǵan Jetisý oblysynda kóliktiń memlekettik tirkeý nómiri berile bastady, dep habarlaıdy QazAqparat tilshisi.
Tarıhı sátte eń birinshi bolyp kóligine jańa memlekettik nómir alǵan Birjan Jańǵabylov.
«Jetisý oblysy elimizde 19-óńir bolyp tirkeldi. Soǵan sáıkes avtokóligime 019 AAV 19 nomerin aldym. 35 jastamyn. Taldyqorǵan qalasynyń turǵynymyn. Osyndaı tarıhı sáttiń kýási bolǵanyma qýanyshtymyn», - deıdi Birjan Jańǵabylov.
Jetisý oblysynda jańa nómirlerdi tirkeý 21 qyrkúıekten bastaldy.
«Jalpy Jetisý oblysyna 19-shy aımaq boıynsha 500-ge jýyq kóliktiń memlekettik tirkeý nómiri keldi. 21 qyrkúıekten bastap ony tirkep, bere bastadyq. Sondaı-aq buǵan deıin Almaty oblysynyń 05 memlekettik tirkeý nómirimen júrgen Jetisý oblysynyń turǵyndary kóliginiń tirkeýin aýystyrǵanǵa deıin eski nómirmen júre beredi»,- deıdi Taldyqorǵan qalasyndaǵy mamandandyrylǵan halyqqa qyzmet kórsetý ortalyǵy bólim basshysynyń mindetin atqarýshy Bolat Aımanbetov.
