Jetisý oblysynda kólik aýdarylyp, 61 jastaǵy jolaýshy kóz jumdy

TALDYQORǴAN. QazAqparat - Jetisý oblysynda aýdarylǵan kóliktegi bir adam qaza taýyp, eki adam jaraqat aldy, dep habarlaıdy QazAqparat polıtsııaǵa silteme jasap.

Jol-kólik oqıǵasy 26 aqpan kúni Panfılov aýdanynda bolǵan. «Aýdı-100» avtokóligi jol jıegine aýdarylyp ketken.

Nemis «ınomarkasyn» tizgindegen 67 jastaǵy er adam «Batys Qytaı - Batys Eýropa» avtojolynyń 275 shaqyrymynda rýlge ıe bolmaı, kóliktiń aýdarylýyna jol berdi.

Avtomobıldiń salonynda tórt jolaýshy bolǵan.

Onyń biri - 1962 jyly týǵan jolaýshy mert boldy. Qalǵan ekeýi aýyr jaraqat alyp, aýrýhanaǵa jatqyzyldy.

Oqıǵa ornynda Panfılov aýdandyq polıtsııasynyń patrýldik jáne jedel-tergeý toby jumysyn jalǵastyryp jatyr.