Jetisý oblysynda kólik apatynan eki aıda 20 adam qaza tapty
«Krıs-P» fotoradar jyljymaly keshenin paıdalaný óńirdiń avtojoldaryndaǵy apatty azaıtýǵa kómegin tıgizdi. Búgingi tańda Jetisý polıtsııasynyń bazasynda 8 «Krıs-P» kesheni bar.
Taldaýǵa sáıkes, 26-31 qazan aralyǵynda patrýldik polıtsııa qyzmetkerleri Krıs-P fotoradaryn paıdalanǵan respýblıkalyq trassalarda jyldamdyqtyń artýyna baılanysty birde-bir JKO tirkelgen joq. Sonymen qatar, sońǵy eki aıda (kórsetilgen aptalyq kezeńdi eseptemegende) respýblıkalyq avtojoldarda 42 jol kólik oqıǵasy tirkelip, onda 20 adam qaza taýyp, 73 adam túrli dene jaraqattaryn aldy.
«Jol-kólik oqıǵalarynyń kópshiligi jyldamdyqty arttyrýdan oryn alatynyń eskertkimiz keledi. Bir apta ishinde Krıs-P fotoradarlary jyldamdyqty buzýdyń 276 deregin tirkedi. Oblys polıtseıleri aýa raıynyń nasharlaýyn eskere otyryp, kólik júrgizýshilerinen jol erejesin qatań saqtaýdy, ruqsat etilgen jyldamdyq rejıminen aspaýdy suraıdy«,- delingen Jetisý oblystyq polıtsııa departamenti baspasóz qyzmetiniń habarlamasynda.
