Jetisý oblysynda kólik apatynan 3 adam mert boldy

TALDYQORǴAN.QazAqparat - Jetisý oblysynda kólik alatynyn 3 adam mert boldy. Taǵy bir kishkentaı bala aýrýhanaǵa tústi, dep habarlaıdy QazAqparat tilshisi.

Oblystyq polıtsııa departamentiniń málimetinshe, kólik apatynan zardap shekken kishkentaı bala - 6 jasta.

«15 shilde kúni saǵat 15:00 shamasynda Qaratal aýdandyq polıtsııasyna kólik apaty bolǵandyǵy jóninde habarlama tústi. Oqıǵa Úshtóbe-Kópbirlik jolynda bolǵan. Anyqtalǵandaı, «Toıota-Estıma« kóligin 42 jastaǵy adam tizgindegen. Ol rólge ıe bola almaı, aýdarylǵan. Kólikte 4 adam bolǵan. Onyń bireýi - kámelettik jasqa tolmaǵan jetkinshek. Kólik apaty saldarynan júrgizýshi men eki jolaýshy mert boldy. Kishkentaı bala túrli dene jaraqatymen aýrýhanaǵa jetkizildi»,- delingen vedomstvonyń habarlamasynda.

Atalǵan fakti boıynsha QK-tiń 345 babyna sáıkes tergeý júrip jatyr.