Jetisý oblysynda qazandyq jarylyp, jumysshy mert boldy

TALDYQORǴAN. QazAqparat – Jetisý oblysynyń Kóksý aýdanynda qazandyq jarylyp, sonyń saldarynan jumysshy mert boldy, dep habarlaıdy QazAqparat.

Kóksý ákimdiginiń Instagram paraqshasyndaǵy málimetterge qaraǵanda, 1 sáýir kúni tańǵy saǵat 08:52-de Kóksý aýdanynyń Qazaqstan aýylynda qazandyq jarylǵan. Jarylys 22 sharshy metr aýmaqta bolyp, jumysshy qaza tapqan.

«Qazirgi tańda eshqandaı qaýip joq. Jarylystyń sebep-saldary anyqtalý ústinde»,-dep habarlady ákimdiktiń baspasóz qyzmeti.

Mert bolǵan jumysgy 52 jasta. Onyń artynda 5 balasy qaldy.

Aıta keteıik, jyl basynan beri Jetisý oblysynda gaz ballony jarylysynan 4 adam zardap shekti.