Jetisý oblysynda qatty jaýyn kópirdi shaıyp ketti
«9 shilde saǵat 19:41-de Jetisý oblysy Kerbulaq aýdanynda oblystyq mańyzy bar «Qarashoqy – Saryózek» avtojolynda jaýyn-shashynnyń mol túsýi saldarynan aǵyn paıda boldy. Ol tabıǵı qýys boıynsha joǵaryda atalǵan avtojolǵa tirelip, aldyn ala aqparat boıynsha 2 jerde ornatylǵan qubyrly ótkelderdi shaıǵan (dıametri 0,75 qubyrly ótkelder sý kólemine tótep bere almaǵan)», - delingen Jetisý oblysy Tótenshe jaǵdaılar departamenti baspasóz qyzmetiniń habarlamasynda.
Oqıǵadan zardap shekkender men qaza tapqandar joq. Qazir jańbyr toqtap, sý deńgeıi tómendedi.
Oqıǵa ornynda jergilikti atqarýshy organdardyń, polıtsııanyń, tótenshe jaǵdaılar organdarynyń kúshteri men quraldary jumys atqaryp jatyr. Aınalma jol bar. Polıtsııa qyzmetkerleri qaýipsizdik beketterin qoıdy.
