Jetisý oblysynda er adamnyń ólimine ıttiń qatysy bar-joǵy tekserilip jatyr
TALDYQORǴAN. QazAqparat – Búgin Jarkent qalasy kósheleriniń birinen basynda jaraqattary bar 54 jastaǵy jergilikti turǵynnyń denesi tabylǵan, dep habarlaıdy QazAqparat polisia.kz telegram kanalyna silteme jasap.
Er adamnyń basyndaǵy jaraqattar ıt tistegenge uqsaıdy. Al, jaqyn mańdaǵy jer úıde kúshiktegen pıtbýl tuqymdy ıt bary anyqtaldy. Haıýannyń denesinde qan tárizdi qońyr daqtar bolǵan.
Oqıǵa ornynda Panfılov aýdandyq polıtsııasynyń jedel tergeý toby jumys istep, qajetti saraptamalar taǵaıyndaldy. It ýaqytsha uıqyǵa jiberildi. Er adamnyń ajaly shynymen de ıt qapqannan keıin bolǵan-bolmaǵany anyqtalyp jatyr.
