Jetisý oblysynda eki muǵalim men mektep qyzmetkerleri jol apatyna tústi

TALDYQORǴAN. QazAqparat - Jetisý oblysynda eki muǵalim men mektep qyzmetkerleri jol apatyna tústi, - dep habarlaıdy QazAqparat tilshisi.

Olar ártúrli dene jaraqatyn alǵan. 4 azamat Kóktóbe orta mektebiniń oqýshylar lagerin jóndeý jumystaryna jumyldyrylǵan. Alǵashqy áskerı daıyndyq, ınformatıka páni muǵalimderi jáne kúzetshiler jóndeý jumystaryna qatysqannan keıin qaıtyp bara jatqanda kólik apatyna ushyraǵan.

Qazir bir azamat jansaqtaý bóliminde jatyr. Qalǵan úsh adamnyń densaýlyǵyna qaýip joq. Al Eskeldi aýdandyq bilim bóliminiń ókilderi jol apatyna túsken azamattar balalar lagerine ákelingen jıhazdy túsirýge kómektesýge óz erkimen kelgenin aıtady.

600 adamǵa arnalǵan bilim ǵımaraty balalar lagerine aýystyrylyp, oǵan tósek-oryndar men basqa da qajetti jıhazdar alynyp jatyr.