Jetisý oblysynda dámhanada tóbelesken bir top jigit ustaldy

TALDYQORǴAN. QazAqparat – Jetisý oblysy Terekti aýylyndaǵy dámhanalardyń birinde top bolyp tóbelesken jastar ustaldy, dep habarlaıdy QazAqparat polisia.kz telegram kanalyna silteme jasap.

Terekti aýylynyń turǵyndary 26 aqpan kúni polıtsııaǵa qońyraý shalyp, toptyq tóbeles týraly habarlaǵan. Dámhanalardyń birinde jastardan quralǵan eki top bir-birimen eregesip, sońy tóbelespen aıaqtalǵany belgili boldy.

Tártipsizdikke qatysy bar jeti adamnyń barlyǵy da anyqtaldy. Olar Balpyq bı aýdany ortalyǵynyń 25-30 jas aralyǵyndaǵy turǵyndary bolyp shyqty. Túgeli ustalyp, mindetti medıtsınalyq tekserýden ótken soń, túsinikteme berý úshin polıtsııaǵa jetkizildi.

QR QK 293-babynyń 2-bóligimen tergeý amaldary bastaldy.