Jetisý oblysynda bıylǵy maýsymda 70 dala órti tirkeldi
«Qazgıdromet» RMK derekteri boıynsha shilde aıynyń ekinshi onkúndiginde aýa temperatýrasynyń +43°S deıin, jeldiń ekpini 15-20 m/s deıin soǵady dep kútilýde, bul tabıǵı órtterdiń týyndaý qaýpine jáne sý aıdyndarynda adam ólimi qaýpiniń artýyna ákeledi.
«Aǵymdaǵy jyldyń órt qaýipti kezeńi bastalǵaly Jetisý oblysynyń aýmaǵynda 4 orman órti jáne 70 dala órti tirkeldi.
Oblys aýmaǵynda jazǵy kezeńde shomylý úshin paıdalanýǵa bolatyn 43 iri ashyq sý aıdyndary bar. Olardyń negizgileri - Alakól kóli men Balqash kóliniń jaǵalaýy. Alaıda, júrgizilip jatqan profılaktıkalyq jumystarǵa qaramastan, sý aıdyndarynda adam ólimi faktileri oryn alýda. Jyl basynan beri sý aıdyndarynda 2 adam, shomylý kezeńinde 1 adam qaza tapty. Sondaı-aq 11 adam qutqaryldy, onyń ishinde 2-ýi bala (barlyǵy shomylý maýsymynda)», - dep jazdy aımaqtaǵy TJD.
