Jetisý oblysynda aýyl ákimin saılaýǵa qatysty daýdan keıin bıýlletender qaıta sanaldy
Aýyl ákimine kandıdat bolǵan Kóksý aýdany Alǵabas aýylynyń turǵyny Erjan Batyrshaev saılaýdyń ádiletsiz ótkenine shaǵymdandy.
«2022 jyldyń 18 jeltoqsanynda aýyl ákimine saılaý ótti. Sol saılaýǵa Alǵabas aýylynyń atynan kandıdat bolyp tirkeldim. Saılaýda meniń azamattyq quqymdy jerge taptap, zań buzyp, maǵan daýys bergizbeı, aýyl turǵyndary atynan bıýlleten jasady», - dedi Erjan Batyrshaev Prezıdentke joldaǵan vıdeoúndeýinde.
Onyń sózinshe, onyń zańdy ókilderi saılaýǵa kelip, daýys berýge kelgen adamdar sanyn eseptep otyrǵan. Aıtýynsha, saılaýǵa 418 adam kelgen. Al bıýlletenderdi sanaǵanda 418 emes, 520 daýys berý qaǵazy shyqqan. ıAǵnı shaǵymdanýshy 102 adamnyń daýys berý qaǵazynyń qoldan jasalǵanyn alǵa tartýda.
Biraq Kóksý aýdanynyń ákimdigi shaǵymdaǵy ýájdi joqqa shyǵardy.
«Batyrshaevtyń shaǵymynan keıin saılaý komıssııasy bıýlletenderdi qaıta sanap shyqty. Bul jumystar dáleldeme retinde vıdeoǵa túsirildi. Komıssııa qorytyndysyna sáıkes, saılaýdyń zańdy túrde ótkeni anyqtaldy», - delingen Kóksý aýdany ákimdigi baspasóz qyzmetiniń habarlamasynda.
Ákimdik málimetine súıensek, saılaý qorytyndysy kelesideı: S. Isagýlovqa - 359, E. Batyrshaevqa - 330, A. Ahmetovke 4 adam daýys bergen.
