Jetisý oblysynda asyl tuqymdy iri qara sany 20 paıyzǵa artty

TALDYQORǴAN. QazAqparat - Jetisý oblysynda mal sharýashylyǵy baǵytynda 2561 sharýashylyq tirkelgen, olardaǵy iri qara sany jarty mıllıonǵa jetedi, sonyń ishinde asyl tuqymdy maldyń úlesi 20,2% nemese 108,2 basqa kóbeıgen, dep habarlaıdy QazAqparat.

«Ótken jylmen salystyrǵanda ósim - 12%. Osy baǵyt boıynsha 523 sharýashylyq 1 mlrd teńgeden astam sýbsıdııa alǵan, qosymsha ótinimder áli de bar», - dep habarlaıdy Jetisý oblysy ákiminiń baspasóz qyzmeti.

Máselen, Kerbulaq aýdanynda iri qara sany 65 myńnan astam, usaq mal 324 myń, qus 71 myńdaı, jylqy 23 myń bastan asady. Aýdanda 2400-deı sharýashylyq aýyl sharýashylyǵymen aınalysady. Sonyń ishinde asyl tuqymdy mal ósirýge erekshe kóńil bólinedi. 22 sharýa qojalyǵy 2400 bas asyl tuqymdy iri qara, 2500 bas asyl tuqymdy usaq mal ósirip otyr.