Jetisý oblysynda alaman báıge jeńimpazy avtokólik mindi

TALDYQORǴAN. QazAqparat - Jetisý oblysynda Almaty oblysynyń atynan topqa túsken Abzal Turǵanbek mingen júırik 50 sáıgúliktiń ishinen oq boıy oza shaýyp, máre syzyǵyn birinshi kesti. Jeńimpaz «Lada granta» kóligine ıe boldy, dep habarlaıdy QazAqparat tilshisi.

Búgin Taldyqorǵan qalasynyń ıppodromynda Konstıtýtsııa kúnine oraı 41 shaqyrym qashyqtyqqa alaman báıge jáne qazaq kúresinen túıe palýandar arasynda ashyq týrnır ótti.

Qazaq kúresinen ótken jarysta kúsh synaýǵa elimizdiń túkpir-túkpirinen 25 palýan jınaldy.

Jarystyń saltanatty ashylýyna oblys ákimi Beıbit Isabaev, tuńǵysh «Qazaqstan barysy» Ulan Rysqulov, Qazaqstan barysynyń úsh dúrkin chempıony Beıbit Ystybaı qatysyp, jınalǵan kópshilikti merekemen quttyqtap, jarysqa qatysýshylarǵa sáttilik tiledi.

Jarystyń nátıjesine keler bolsaq, alaman báıgede Almaty oblysynyń atynan topqa túsken Abzal Turǵanbektiń sáıgúligi 50 shabandozdyń ishinen oq boıy oza shaýyp, máre syzyǵyn birinshi kesti.

Jeńimpaz «Lada granta» avtokóligine ıe boldy.

2 oryn: Qabyl Aıtqabyl (BQO);

3 oryn: Jorabek Beknur (Jambyl oblysy);

4 oryn: Ábiljan Dýman (Almaty oblysy);

5 oryn: Serik Beknur (Jambyl oblysy);

6 oryn: Asylbekov Áset (Jetisý oblysy);

7 oryn: Joldybaı Mádı (Almaty oblysy).

Qazaq kúresinen Qyzylorda oblysynan kelgen palýan Maqsat Isaǵabylov beldesken qarsylastarynyń bárin jeńip, 1-orynǵa ıe boldy.

Jeńimpazǵa 2 mln teńgeniń sertıfıkaty tabystaldy.

Soltústik Qazaqstan oblysynyń atynan kúresken palýan Muhıt Tursynov jeńis tuǵyrynyń ekinshi satysynan kórindi. Oǵan 1 mln tg júlde buıyrdy.

3-orynǵa Almaty oblysynyń atynan beldeske Mádı Edilbaev kóterildi. Júldegerge 500 myń teńgeniń sertıfıkaty berildi.