Jetisý oblysynda ákim men qyzmetkerler qulaǵaly turǵan ǵımaratta jumys isteýge májbúr

TALDYQORǴAN. QazAqparat - Májilis depýtaty Rýslan Qojasbaev Sarqan aýdanynda qulaǵaly turǵan ákimdik ǵımaratyna baryp, nysandy aralap shyqty, dep habarlaıdy QazAqparat tilshisi.

Amanbókter aýylyndaǵy ákimdik ǵımaratynyń tóbesi qulap, apatty bólmeniń esigin qyzmetkerler jaýyp qoıǵan.

El aralap, halyqtyń jaǵdaıymen tanysyp júrgen Májilis depýtaty Rýslan Qojasbaev osy mekemege bardy.

Jańadan saılanǵan ákim Nurhanova Shyryngúl Bataıqyzy aýyl tynysyn, ǵımarattardyń qazirgi jaǵdaıyn kórsetip, búkpesiz baıandap berdi.

Ákim hanym sonaý keńes dáýirinen qalǵan tozyǵy jetken ǵımaratta 9 jumysshysymen jumys isteýge májbúr bolyp otyrǵanyn aıtty.

Rýslan Qojasbaev bul máseleni dúısenbi kúni aýdan ákimimen odan ári joǵary deńgeıde kóterip, qol ushyn sozatynyn aıtty.