Jetisý oblysynda 8-synyp oqýshylaryn jezókshelikke májbúrlegen jeńgetaı ustaldy

ASTANA. QazAqparat – Jetisý oblysynda 8-synyp oqýshylaryn jezókshelikke májbúrlegen jeńgetaı ustaldy, dep habarlaıdy QazAqparat tilshisi.

Іshki ister mınıstrliginiń ókili Shuǵyla Turlybek vedomstvonyń onlaın brıfıngisinde osyndaı málime keltirdi.

«Jetisý oblysynda kámeletke tolmaǵan eki qyzdy toǵyz aı boıy aldaý arqyly jezókshelikpen aınalysýǵa májbúrlegen 1993 jyly týǵan áıel anyqtaldy. Jábirlenýshiler 2008 jyly týǵan, 8-synyp oqýshylary», - dedi Shuǵyla Turlybek.

Aıtýynsha, kúdikti qyzdardyń qyzmetinen túsken tabysty jeke dara ıemdenip otyrǵan.

«Atalǵan faktiler boıynsha Qylmystyq kodekstiń 134-baby (kámeletke tolmaǵandy jezókshelikpen aınalysýǵa tartý) jáne 309-babynyń 2-bóligi (jeńgetaılyq) boıynsha sotqa deıingi tergeý bastaldy», - dedi mınıstrlik ókili.