Jetisý oblysynda 6 jasar bala traktordyń astyna túsip mert boldy

TALDYQORǴAN. QazAqparat - Jetisý oblysynda 6 jasar bala traktordyń astyna túsip mert boldy. Qaıǵyly jaǵdaı Alakól aýdannyń ortalyǵy Úsharal qalasynda bolǵan, dep habarlaıdy QazAqparat tilshisi.

Polıtseıler anyqtaǵandaı, traktordy 50 jastaǵy er adam júrgizgen.

Ol balanyń ata-anasyna shóp jetkizgen.

Ata-anasy úı sharýasymen júrgen kezde 6 jasar bala traktordyń tirkegishine minip alǵan.

«Traktor qozǵalǵan kezde bala tirkegishtiń dóńgeleginiń astynda qalǵan. Qazir atalǵan fakti negizinde QR Qylmystyq kodeksiniń 104 baby 1-tarmaǵyna sáıkes tergeý júrip jatyr. Qajetti sot-medıtsınalyq saraptamalar taǵaıyndaldy»,- delingen Jetisý oblystyq polıtsııa departamenti baspasóz qyzmeti taratqan habarlamada.