Jetisý oblysynda 6 myńnan asa oqýshy mindetti medıtsınalyq tekserýmen qamtylmaǵan
TALDYQORǴAN. QazAqparat - Jetisý oblysynyń prokýratýrasy oqýshylardyń quqyǵyn qorǵap, olardyń tegin medıtsınalyq tekserýden ótýin qamtamasyz etti, dep habarlaıdy QazAqparat tilshisi.
«Zańnamada medıtsınalyq kómektiń kepildik berilgen kólemin tegin alý, onyń ishinde kámeletke tolmaǵandardyń jyl saıynǵy «Skrınıngten» ótý quqyǵy bekitilgen. Biraq, oblystyń medıtsınalyq uıymdary 6 myńnan astam kámeletke tolmaǵan oqýshyny mindetti medıtsınalyq tekserýmen qamtyǵan joq. Osy jaıtqa prokýratýranyń den koıý aktisiniń nátıjeleri boıynsha barlyq kámeletke tolmaǵandar profılaktıkalyq tekserýden ótti», - delingen Jetisý oblysy prokýratýrasy baspasóz qyzmetiniń habarlamasynda. Jyl basynan beri oblys prokýratýrasy 10 myńnan astam kámeletke tolmaǵandardyń quqyqtaryn qorǵady.
