Jetisý oblysynda 500 jýyq shet el azamaty jazalandy
Jyl basynan beri óńirde kóshi-qon zańnamasy boıynsha 2151 adam jaýapkershilikke tartylǵan. Zań buzýshylardyń jalpy sanynan 463 sheteldik jáne 1688 qazaqstandyq azamattar.
«Bıyl bizdiń derekter boıynsha oblys aýmaǵyna 4213 sheteldik azamat kelgen. Olar kóshi-qon qyzmeti bólimshelerinde tirkeldi. Onyń ishinde alys shetelderdiń turǵyndary – 318, TMD elderinen – 3895. Negizinen aımaqqa Ózbekstan azamattary kelgen. Olardyń sany 3354 adam.Sondaı-aq Reseı azamattary – 375. Sonymen qatar, 248 sheteldik, negizinen QHR azamattary vızalaryn zańdy túrde uzartyp, tirkeý jáne habarlama arqyly oblys aýmaǵynda tirkeldi», - dedi oblystyq kóshi-qon polıtsııasynyń basshysy Erlan Raıymbekov.Kóshi-qon qyzmetiniń basshysy BAQ ókilderi aldynda sóılegen sózinde polıtsııa qyzmetkerleriniń «Mıgrant» jáne «Nelegal» profılaktıkalyq is-sharalarynyń qorytyndysyn da jarııa etti.
«Kóshi-qon jelisi boıynsha zań buzýshylyqtar negizinen nysanaly túrde ótkiziletin profılaktıkalyq is-sharalar barysynda anyqtalady. Sheteldik jumys kúshi jıi paıdalanylatyn bazarlarǵa, qurylystarǵa jáne basqa da nysandarǵa asa nazar aýdarylady. Sheteldik azamattardyń ýaqytsha turǵylyqty jeri, tirkelgeni, kelý maqsaty jáne t.b. tekseriledi. ıAǵnı, olardyń oblysqa týrıst nemese eńbek mıgranttary retinde nemese basqa da sebeptermen kelgeni de muqııat tekseriledi. Otandastar arasynda da kóshi-qon zańnamasyn buzý faktileri anyqtaldy», - dep tolyqtyrdy polıtseıler.
